2022 жылдың 14 қыркүйегінде ИЯ-320 тобының студенттері Қазақстан халқының Тілдер күніне арналған онкүндік аясында Екібастұз қаласының “Интеллект” оқу-тіл орталығына барып қайтты. Аталмыш орталықта ағылшын тілін оқытуға ерекше мән беріледі. Орталық оқушылары мектеп бағдарламасын, ауызекі ағылшын тілін, кәсіби ағылшын тілін оқып қана қоймай, сонымен қатар IELTS халықаралық емтиханын тапсыруға терең дайындалуда. Орталықтың түлектері Қазақстан және шетелдердігі беделді оқу орындарында білім алып жатыр.