Студентке

Мен, Инновациялық Еуразия университеті Жоғары колледжінің студентімін, Колледждің біліктілігі жоғары, адамгершілігі мол мамандар даярлау бойынша миссиясын жүзеге асырудағы өзімнің жауапкершілігімді түсіне отырып, корпоративтік мәдениетті, студенттік қоғамды қолдауды және дамытуды, жетекші білім беру мекемесі мен Қазақстанның кәсіби кадрларын даярлау орталығы ретінде ИнЕУ Жоғары Колледжінің имиджін сақтауды парызым деп есептей отырып, ИнЕУ Жоғары колледжі студентінің ар-намыс Кодексін қабылдаймын және оны мінсіз орындауды міндетім деп танимын. 1 бап. ҚР заңнамасын, ИнЕУЖК Жарғысын, ішкі тәртіп ережесінжәне Колледждің нормативтік актілерін сақтау.
2 бап. Студенттік қауымдастықта өзара сыйластық пен сенімді, жоғары академиялық мәдениетті қолдауға көңіл бөлу. Кез келген түсінбеушілікті дұрыс шешуге тырысу және басқа студенттерге әлімжеттік көрсетуге жол бермеу.
3 бап. Оқу үдерісінде әділетсіздік, адамгершілікке жат қасиеттер, немқұрайлылық болмау керектігін ескере отырып, оқыту мен білімді бақылаудың барлық түрлеріне жауапкершілікпен қарау.
4 бап. Оқытушыларға, қызметкерлерге, Колледж әкімшілігінің өкілдеріне мейірімділік таныту, оларды тегімен атауға жол бермеу және дөрекілік көрсетпеу.
5 бап. Колледж мәртебесіне немесе студенттік қауымдастықтың беделіне нұқсан келтіретін іс әрекеттен аулақ болу.
6 бап. Әр түрлі зиянды қылықтардан бас тарту.
7 бап. Колледждің мүлкін сақтауға ниет білдіру және вандализмге жол бермеу.
8 бап. Сыртқы киім үлгісі этикалық нормаларға сай болуы қажет және оқытушылардың немесе студенттердің көңілін аудармауы, сабаққа кедергі келтірмеуі керек.

ИнЕУ Жоғары Колледжінде күндізгі және сырттай оқыту түрінің оқу үрдісін ұйымдастыру ҚР «Білім туралы» заңына сәйкес жүзеге асады және оқу жұмыс жоспарымен, оқу үрдісінің кестесімен, мамандық бойынша сабақ кестесімен реттеледі.
Оқу жұмыс жоспарлары Қазақстан Республикасының мемлекеттік жалпыға міндетті білім беру стандартына сәйкес жасалды.
Күндізгі оқыту түрі бойынша негізгі оқу сабақтарының түрлері: сабақ, дәріс, семинар, тәжірибешілік сабақтар, зертханалық жұмыс, бақылау жұмысы, өздік жұмыс, кеңес, тәжірибе, курстық жұмыс болып табылады.
Күндізгі бөлімде оқу жылы 1 қыркүйектен басталады 2019-2020 оқу жылына арналған оқу үдерісінің кестесі (күндізгі), 2019-2020 оқу жылына арналған оқу үдерісінің кестесі (сырттай) сәйкес аяқталады. Студенттердің оқу-өндірістік, технологиялық және дипломалды тәжірибесі мекемелер мен ұйымдарда колледж бен ұйымдар арасында жасасқан әлеуметтік әріптестік шарты негізінде өткізіледі.
Күндізгі оқу бөлімі студенттерінің:
- Қазақстан Республикасының орта кәсіптік білім Мемлекеттік білім беру стандарттарына сәйкес сапалы білім алуға;
- қосымша, оның ішінде ақылы білім қызметтерін алуға;
- жатақханадан орынмен қамтамасыз етілуге;
құқығы бар.
Мамандық бойынша көрсетілген мерзімде дәлелсіз себеппен оқу жұмыс жоспарын орындамағаны үшін, колледж жарғысында қарастырылған міндеттерін орындамағанда, ішкі тәртіп ережесін бұзған жағдайда студенттерге колледжден шығарып жіберуге дейінгі тәртіптік жаза қолданылуы мүмкін.