«Ұлтаралық келісім – қоғам дамуының берік тірегі» тақырыбында ақпараттық-түсіндіру жұмысы өтті

Инновациялық Еуразия Университетінің Жоғары Екібастұз колледжінде 1-курс студенттерінің қатысуымен «Ұлтаралық келісім – қоғам дамуының берік тірегі» тақырыбында ақпараттық-түсіндіру жұмысы ұйымдастырылды.

Іс-шараның негізгі мақсаты – жастар арасында ұлтаралық татулық пен қоғамдық келісім құндылықтарын насихаттау, өзара сыйластық пен бірліктің маңызын түсіндіру, сондай-ақ этносаралық қарым-қатынас мәдениетін қалыптастыру.

Кездесу барысында «Достық үйі» КММ «Ана ұлағаты» қоғамдық бірлестігінің мүшесі Шушаева Л.С. және Екібастұз қаласы әкімдігінің ішкі саясат бөлімінің маманы Қуаныш Н.С. сөз сөйлеп, ұлтаралық келісімді нығайту, этностар арасындағы өзара құрмет пен қоғамдағы тұрақтылықты сақтау мәселелеріне тоқталды.

Бірлік пен келісім – тұрақты қоғамның және жарқын болашақтың негізі!