«ҰЛТАРАЛЫҚ КЕЛІСІМ – ҚОҒАМ ДАМУЫНЫҢ БЕРІК ТІРЕГІ»
Осы тақырып аясында студенттермен мазмұнды кездесу өтті.
Кездесудің басты мақсаты – жастар арасында ұлтаралық татулықты, өзара сыйластықты, достық пен бірлікті насихаттау, қоғамдағы бейбітшілік пен келісімнің маңыздылығын түсіндіру.
Іс-шара барысында ұлттар арасындағы достық, этносаралық қарым-қатынас мәдениеті, толеранттылық және ортақ құндылықтар туралы пікір алмасу ұйымдастырылды. Студенттер өз ойларын ортаға салып, қоғамдағы бірлік пен ынтымақтың маңыздылығын талқылады.
Кездесу соңында бейбітшілік пен келісім – тұрақты қоғамның негізі, ал татулық пен бірлік – әрбір азаматтың ортақ жауапкершілігі екені атап өтілді.