Версия для печати

2019 жылдың 31 қазанда ғылыми –практикалық конференциясы өткізілді.

2019  жылдың  31 қазанда ғылыми –практикалық конференциясы өткізілді

          Алматы облысы   Жаркент гуманитарлық-техникалық колледжінде 2019  жылдың  31 қазан 1 қараша күндері  кәсіптік білім беруде болашақ педагог мамандарды қалыптастыруға ықпал ететін шығармашылық бастамалар бойынша тәжірибе алмасу мақсатында  «КЕЛЕШЕК  БІЛІМГЕ БАРАР  ЖОЛДАҒЫ ІЗДЕНІС, ТӘЖІРИБЕ  ЖӘНЕ  ПЕРСПЕКТИВА» тақырыбында Республикалық  ғылыми –практикалық конференциясы өткізді. Аталмыш конференцияға еліміздің түкпір-түкпірінен кәсіби маман даярлау жолында елеулі еңбек атқарып жатқан ұстаздар қауымы қатысты. «Педагогикалық саладағы инновация» бағыты бойынша «Жаңартылған білім беру мазмұнын игеруде дуалды оқытуды енгізудің маңызы» тақырыбында ИнЕУ Екібастұз колледжінің арнайы пәндер оқытушысы Райгүл Маулетовна Айтмаганбетова қатысты.

         Райгүл Маулетқызы Республикалық  ғылыми – практикалық конференцияда озық тәжірибе ұсынғаны үшін Қазақстан Республикасы Білім және ғылым министрлігі  Алматы облысының Білім басқармасының дипломымен  марапатталды. Ұстаздықтың ұлы жолында талмай еңбек еткен адам ғана өзінің биігін бағындыра алады. Әлемдік білім кеңістігіне өзіндік үлесін қоса отырып,  білім мазмұнын жаңарту жағдайында жаңа формация маманын дайындау – біздің ұстаздарымыздың басты міндеті болып табылады.

            Еліміздің ертеңі үшін аянбай еңбек ететін жалынды жастарды қалыптастыру жолындағы  игі  істеріңізге шығармашылық  табыс тілейміз.

   

.

  

 


Защитный код
Обновить